Яңылыҡтар

Рәсәй курорттарында ял итеүселәр хаҡтар һәм сервис менән ҡәнәғәт түгел – һорау

Tvil.ru  сервисы мәғлүмәттәре буйынса, Рәсәй курорттарында ял иткән күпселек туристар хаҡтар һәм сервис кимәле менән ҡәнәғәт түгел. Һорауға яуап биреүселәрҙең 48% аҙыҡ-түлеккә, туҡланыуға, хеҙмәттәргә һәм башҡаларға хаҡтар бик юғары тип иҫәпләй. Икенсе урында – сервис кимәленең түбән булыуы. Рәсәйҙәрҙең 21% уларҙы курорттарҙа һәм отелдәрҙә хеҙмәтләндереүҙәре оҡшамай. Туристарҙың 8% урындағы торлаҡ хужаларының үҙ-үҙен тотошона ҡәнәғәтһеҙлек белдерә. Һорауға яуап биреүселәрҙең 7% курорттарҙа ял итеүселәрҙең социаль дистанцияны һаҡлауын теләй. Пляж һәм дөйөм туҡланыу (2%), шулай уҡ номерҙарҙы сифатһыҙ йыйыштырыу (1,5%) менән ҡәнәғәт булмаған туристар аҙ. Ял итеүселәрҙең 9% ғына барыһы менән ҡәнәғәт.