Яңылыҡтар

Дүртөйлө — Нефтекама юлының 55 саҡрымы ремонтлана

Автомобиль юлдарын ремонтлау буйынса территориаль заказ сиктәрендә Дүртөйлө — Нефтекама юлының 55 саҡрымы ремонтлана. Юл төҙөкләндереү эштәренә 50 берәмек техника йәлеп ителгән.

Башҡортостандың Транспорт һәм юл хужалығы буйынса дәүләт комитетының матбуғат хеҙмәтендә хәбәр итеүҙәренсә, Нефтекама ҡалаһына инеү юлындағы проблемалы участкаға айырыуса иғтибар бүленгән.

Әлеге мәлгә юлдың ошо участкаһын милексе — «Башнефть» нефть компанияһы иҫәбенә «Башкиравтодор» предприятиеһы ремонтлаған һәм республика милкенә тапшырырға әҙерләнә.

«Башинформ» мәғлүмәт агентлығы, Галина Бахшиева/.