Яңылыҡтар
«Башҡорт энциклопедияһы»ның яңы томы донъя күрҙе
«Башҡорт энциклопедияһы» ғилми-нәшриәт комплексында башҡорт телендә шул уҡ исемдәге энциклопедияның («Башҡорт энциклопедияһы») дүртенсе томы баҫылып сыҡты. Был китап — бай мәғлүмәтле үҙенсәлекле баҫма.
Нәшриәттең сайтында хәбәр ителеүенсә, энциклопедияла республиканың үткәне һәм бөгөнгөһө, тәбиғәте, иҡтисады, фәне, мәғарифы һәм мәҙәниәте, уның административ-территориаль ҡоролошо хаҡында мәғлүмәттәр тупланған. Томда 2100-ҙән ашыу, шул иҫәптән 748-гә яҡын биографик мәҡәлә урын алған. 2010 йылға мәғлүмәттәр бирелгән. Шулай уҡ баҫмала 460-тан ашыу һүрәт һәм карта бар.
Китап рус телендәге «Башҡорт энциклопедияһы» мәҡәләләре нигеҙендә әҙерләнгән.