Яңылыҡтар

Рәсәйҙә пенсионерҙарға бер тапҡыр бирелә торған түләү тураһындағы законға ҡул ҡуйылды

Рәсәй Президенты Владимир Путин пенсионерҙарға биш мең һум күләмендәге бер тапҡыр бирелә торған түләү тураһындағы федераль законға ҡул ҡуйҙы.

Пенсия фондының Башҡортостан буйынса бүлексәһенең матбуғат хеҙмәтендә аңлатыуҙарынса, аҡса 2017 йылдың ғинуар айында түләнә.

Түләү пенсия эшендә булған документтар нигеҙендә тормошҡа ашырыла. Уны алыу өсөн Пенсия фондына мөрәжәғәт итергә йәки ғариза яҙырға кәрәкмәй.

/«Башинформ» мәғлүмәт агентлығы, Галина Бахшиева/.