Яңылыҡтар

06.02.17

Башҡортостанда тағы ла биш район-ара Эштә булышлыҡ итеү үҙәге асыла

Бәләкәй эшҡыуарлыҡҡа ярҙам итеү буйынса республика программаһы сиктәрендә Башҡортостанда тағы ла биш район-ара Эштә булышлыҡ итеү үҙәге асыла. Унда яңы эш башлаған эшҡыуарҙар бушлай консультация, юридик һәм бухгалтер ярҙамы ала.

Башҡортостандың Эшҡыуарлыҡ һәм туризм буйынса дәүләт комитетында хәбәр итеүҙәренсә, яңы үҙәктәр Бәләбәйҙә, Белоретта, Нефтекамала, Салауатта, Стәрлетамаҡта, һәм республиканың көнбайышында — Туймазыла йәки Октябрьскийҙа асыла.

Беренсе үҙәктәр декабрҙә Ҡариҙелдә һәм Күмертауҙа асылғайны. Үҙәктәрҙең һәр береһе яҡын-тирәләге район-ҡалаларҙы берләштерә. Мәҫәлән, Күмертауҙағы үҙәккә Миәкә, Стәрлебаш, Федоровка, Мәләүез, Көйөргәҙе райондары ҡарай. Иҫәнғолда — Күгәрсен, Йылайыр, Баймаҡ, Хәйбулла, Ҡариҙелдә Асҡын, Балтас, Тәтешле райондары йүнселдәре хеҙмәтләндерелә.

/«Башинформ» мәғлүмәт агентлығы, Ольга Мортазина/.