Яңылыҡтар

27.02.17

Рәсәй Финанс министрлығы халыҡ өсөн федераль займ облигацияларын сығара

Ағымдағы йылдың апрелендә Рәсәй Финанс министрлығы халыҡ өсөн федераль займ облигацияларын сығара. Был хаҡта ведомство башлығы Антон Силуанов Сочиҙа инвестиция форумында белдерҙе.

«Известия» гәзите хәбәр итеүенсә, халыҡ өсөн федераль займ облигацияларының тәүге сығарылышының күләме — 20 миллиард һум, әйләнеш срогы өс йыл тәшкил итәсәк.

Инвестор облигацияларҙың бер сығарылышына 30 меңдән алып 25 миллион һумға тиклем аҡса һала аласаҡ. Өс йыллыҡ ҡағыҙҙарҙың килемлелеге 8,5 процент тәшкил итеүе мөмкин. Купон йылына ике тапҡыр түләнә.

/«Башинформ» мәғлүмәт агентлығы, Галина Бахшиева/.