Яңылыҡтар

Республикала эшһеҙҙәр һаны кәмегән

Башҡортостанда эшһеҙҙәр һаны аҙайған, тип хәбәр итәләр мәшғүллек хеҙмәтенән. Әгәр йыл башында төбәктә 23,6 мең эшһеҙ булһа, әле иһә уларҙың һаны 22,7 меңгә тиклем кәмегән.

Теркәлгән эшһеҙлек кимәле лә кәмегән һәм хәҙер 1,13 процент тәшкил итә. Эш биреүселәр тәҡдим иткән вакантлы урындарҙың һаны һиҙелерлек артҡан — 32,4-тән 41 меңгә тиклем.

«Башинформ» агентлығы хәбәр иткәнсә, республикала эшһеҙҙәрҙең күпселеге — ҡатын-ҡыҙҙар.

Башҡортостандағы эшһеҙҙәрҙең 59 проценты тиерлек ҡала ерендә йәшәй.

Уларҙың яртыһынан ашыуы (54 проценты) үҙ теләге менән эштән киткән. Республикалағы эшһеҙ халыҡ иҫәбендә инвалидтарҙың өлөшө әле алты проценттан артығыраҡ.

/«Башинформ» мәғлүмәт агентлығы, Галина Бахшиева/.