Яңылыҡтар

Республикала уртаса хеҙмәт хаҡы билдәле булды

Төбәктең Хеҙмәт һәм халыҡты социаль яҡлау министрлығы мәғлүмәттәре буйынса, ағымдағы йылдың мартында Башҡортостанда уртаса эш хаҡы 28 094 һум тәшкил иткән.

Эшкә һәләтле халыҡ өсөн йәшәү минимумы 8 869 һумға тиң.

Февраль-апрель айҙарында һайланма тикшереү мәғлүмәттәре буйынса, республиканың иҡтисади яҡтан әүҙем халыҡ һаны 1,943 миллион кешенән ашыу.

Халыҡ-ара хеҙмәт ойошмаһы стандарттарына ярашлы, әле эшһеҙҙәр һаны 109,9 мең кеше тәшкил итә.

Башҡортостанда дөйөм эшһеҙлек кимәле 5,7 процентҡа тиң.

/«Башинформ» мәғлүмәт агентлығы, Галина Бахшиева/.