Яңылыҡтар

Төбәктә аҙ тәьмин ителгән күп балалы ғаиләләр өҫтәмә ярҙам аласаҡ

Башҡортостанда аҙ тәьмин ителгән күп балалы ғаиләләргә өҫтәмә ярҙам күрһәтеләсәк.

Республика Хөкүмәте бойороғона ярашлы, муниципаль ҡаҙналар аҙ тәьмин ителгән күп балалы ғаиләләрҙәге уҡыусыларға социаль ярҙам күрһәтеү өсөн 25,4 миллион һумлыҡ субвенция аласаҡ. Был — «Мәғариф» бүлеге буйынса бюджет ресурстарын һөҙөмтәле файҙаланыу арҡаһында Башҡортостан Мәғариф министрлығы тарафынан экономияланған аҡса.

Башҡортостан Хөкүмәтенең матбуғат хеҙмәтендә хәбәр итеүҙәренсә, аҡса мәктәп формаһын һатып алыуға йүнәлтелә.

/«Башинформ» мәғлүмәт агентлығы, Галина Бахшиева/.