Яңылыҡтар

Нефтекама һөҙөмтәле эшләгән өсөн грант аласаҡ

Башҡортостан муниципалитеттары 2015 йыл йомғаҡтары буйынса эшмәкәрлектәрендә яҡшы һөҙөмтәләргә өлгәшкән өсөн дотация аласаҡ.

Республика Хөкүмәтенең матбуғат хеҙмәтендә хәбәр итеүҙәренсә, аҡсаларҙың дөйөм күләме 150 миллион һум тәшкил итә. Ул грант рәүешендә бер нисә муниципаль берәмек араһында бүленә.

Иң яҡшылар иҫәбендә — Нефтекама, шулай уҡ Мәләүез, Ишембай, Көйөргәҙе, Тәтешле, Илеш, Бүздәк, Благовар һәм Кушнаренко райондары.

/«Башинформ» мәғлүмәт агентлығы, Галина Бахшиева/.