Яңылыҡтар

30.12.16
Хөрмәтле нефтекамалар!

Һеҙҙе яҡынлашып килеүсе Яңы 2017 йыл менән ысын күңелдән ҡотлайбыҙ!

29.12.16
Владимир Путин балалар ялын ойоштороу тураһында закон ҡабул итте

Рәсәй Президенты Владимир Путин балалар ялын ойоштороу тураһындағы законға ҡул ҡуйҙы, ул балаларҙың ғүмере һәм һаулығы хәүефһеҙлегенә талаптарҙы ҡатыландыра. Документ рәсми хоҡуҡи мәғлүмәт порталында урынлаштырылған.

29.12.16
Яңы йыл төнөндә республикала яҡшы һауа торошо көтөлә

Алдан фаразлауҙар буйынса Башҡортостанда Яңы йыл төнөндә һауа торошо республика халҡы өсөн уңайлы буласаҡ. Уртаса һыуыҡ һауа торошо көтөлә, -6, -13 градус тирәһе. 1 ғинуарҙа һауа температураһы көндөҙ -3, -8 градус тәшкил итәсәк.

 

28.12.16
Республикала аҙыҡ-түлек етештереү сәнәғәте үҫешә

Башҡортостанда аҙыҡ-түлек етештереү сәнәғәтенең үҫеше билдәләнә. Ағымдағы йылдың 11 айында аҙыҡ-түлек етештереү сәнәғәте индексы 102,6 процент тәшкил иткән.

28.12.16
Башҡортостанда ҡайҙа конькиҙа шыуырға була

Яңы йыл байрамдары яҡынлаша, тимәк республика халҡын оҙайлы каникулдар менән төрлө ҡышҡы күңел асыу саралары көтә. «Башинформ» мәғлүмәт агентлығы әүҙем ял итергә яратыусыларға Башҡортостанда булған һырғалаҡтар исемлеген әҙерләне.

27.12.16
Башҡортостан – илдең иң спорт төбәктәре иҫәбендә

Башҡортостан биш иң спорт төбәк исемлегенә инде. Белгестәр спорт инфраструктураһы объекттарын, республикала уҙғарылған чемпионаттар иҫәбен, халыҡтың спорт менән әүҙем шөғөлләнеүен баһалаған, тип хәбәр итә РБК-Уфа.

27.12.16
Рәсәйҙә аҙыҡ-түлек категорияһына ҡарамаған спиртлы продукцияны берәмләп һатыу тыйыла

Рәсәйҙә составында спирт булған һәм аҙыҡ-түлек категорияһына ҡарамаған продукцияны берәмләп һатыуҙы сикләү тураһындағы ҡарар үҙ көсөнә инде. Бының турала мәғлүмәт Ҡулланыусылар хоҡуғын яҡлау һәм кеше именлеген һаҡлау өлкәһен күҙәтеү буйынса федераль хеҙмәттең рәсми сайтында ҡуйылған. Илдең баш санитар табибы легаль алкоголле һәм спиртлы продукцияның әйләнешен контролдә тотоу буйынса вәкәләттәрҙе тормошҡа ашырыу сиктәрендә һәм Хөкүмәт Рәйесе Дмитрий Медведевтың тапшырылған эшен үтәү юҫығында ошо ҡарарҙы ҡабул итә.

26.12.16
26 декабрь Рәсәйҙә дөйөм милли матәм көнө тип иғлан ителде

Владимир Путин Краснодар крайында самолет һәләкәткә осрау арҡаһында 26 декабрҙе бөтә Рәсәйҙә матәм көнө тип иғлан итте. Матәм көндө бөтә илдә Дәүләт флагтары бер аҙ төшөрөлгән. Мәҙәниәт учреждениеларына һәм телерадиокомпанияларға күңел асыу сараларын һәм тапшырыуҙарын кисектереп торорға тәҡдим ителгән. Дәүләт башлығы Ҡара диңгеҙ өҫтөндә авиация һәләкәте һөҙөмтәһендә һәләк булғандарҙың ғаиләләренә ауыр ҡайғы уртаҡлашыуын белдерҙе.

23.12.16
«Башавтотранс» автопаркын 100 яңы автобус тулыландырҙы

23 декабрҙә  Республика Хөкүмәте Премьер-министры Рөстәм Мәрҙәнов «Башавтотранс» дәүләт унитар предприятиеһының генераль директоры Тимур Аклаевҡа газ-мотор яғыулығында эшләүсе 100 яңы автобустың символик асҡысын тапшырҙы. Транспорт республиканың 100 йыллығын байрам итеүгә әҙерләнеү сиктәрендә һатып алынған.

16.12.16
Документтар ҡабул итеү һәм тапшырыу штат режимында алып барыла — Башҡортостан буйынса Росреестр

Башҡортостанда теркәүсе органдың эшендә бер ниндәй ҙә тотҡарлыҡтар юҡ, тип белдерҙеләр республиканың Росреестр идаралығында. Бынан алда киң мәғлүмәт сараларында ҡайһы бер төбәктәрҙә күсемһеҙ милеккә хоҡуҡты дәүләт теркәүе буйынса документтар ҡабул итеүҙе һәм тапшырыуҙы туҡтатыуҙары тураһында хәбәр баҫылғайны.

15.12.16
Рөстәм Хәмитов электрон белем биреүҙе үҫтереү буйынса Совет ултырышын үткәрҙе

14 декабрҙә Рөстәм Хәмитов Башҡортостан Башлығы ҡарамағындағы электрон белем биреүҙе үҫтереү буйынса Советтың күсмә ултырышын үткәрҙе. Ултырыш Өфөнөң Халыҡ мәшғүллеге үҙәгендә уҙҙы. Унда Совет ағзалары, шулай уҡ республиканың профилле министрлыҡ, ведомство, юғары уҡыу йорто һәм предприятие вәкилдәре ҡатнашты.

13.12.16
Был аҙнала төбәктә көндәр һалҡын торасаҡ

Был аҙнала Башҡортостанда көндәр һалҡын торасаҡ, тип хәбәр итә республиканың гидрометеорология һәм тирә-яҡ мөхит мониторингы идаралығы. Һауа температураһы норманан 5-7 градусҡа түбәнерәк буласаҡ. 13 декабрҙә бер аҙ йылыта, сөнки Ырымбур өлкәһе аша циклон күсә. Шуға бәйле республиканың көньяғында ҡар яуыуы һәм еңелсә буран сығыуы ихтимал.

12.12.16
Башҡортостанда эшһеҙлек буйынса пособиеның уртаса күләме билдәле булды

Ноябрҙә Башҡортостанда эшһеҙлек буйынса пособиеның уртаса күләме 4175 һум, йәки эшкә һәләтле халыҡ өсөн йәшәү минимумы дәүмәленән 44,6 процент тәшкил итте. Былтыр ноябрь айында төбәктә пособиеның уртаса күләме 4185 һум булған.