Яңылыҡтар

2013-2020 йылдарға «Башҡортостан Республикаһының торлаҡ-коммуналь хужалығын яңыртыу һәм үҙгәртеп ҡороу» дәүләт программаһын финанслауҙың дөйөм күләме 22,2 процентҡа — 32 миллиард 649,5 миллион һумға тиклем кәметелде. Программаның үҙгәртелгән параметрҙары республика Хөкүмәте ҡарары менән раҫланған. Документ рәсми хоҡуҡи мәғлүмәт сайтында урынлаштырылған.

Башҡортостан Башлығы Рөстәм Хәмитов республикала дәүләт милли сәйәсәтен тормошҡа ашырыу буйынса саралар тураһындағы Указға ҡул ҡуйҙы. Указға 2025 йылға тиклемге осорға Рәсәй Федерацияһының дәүләт милли сәйәсәте стратегияһын ғәмәлгә ашырыу маҡсатында ҡул ҡуйылған, тип хәбәр иттеләр төбәк башлығының матбуғат хеҙмәтенән.

Башҡортостан Башлығы Рөстәм Хәмитов Эльза Сыртланованы республика һаулыҡ һаҡлау министры урынбаҫары итеп тәғәйенләне. Тейешле бойороҡ Башҡортостан Хөкүмәте тарафынан ҡабул ителгән.

«Башҡортостан Республикаһының иң яҡшы муниципаль берәмеге» конкурсы иғлан ителде. Муниципалитеттарҙың йыл һайын үткәрелә торған ярышы 10 номинация буйынса уҙғарыла, тип хәбәр иттеләр «Башҡортостан Республикаһының муниципаль берәмектәре советы» ассоциацияһынан. Унда Башҡортостандың муниципаль берәмектәре, муниципаль хеҙмәткәрҙәр, шулай уҡ республиканың гәзит-журналдар һәм телерадиокомпания журналистары ҡатнаша.

Сочиҙа бобслей һәм скелетон буйынса Донъя кубогының һигеҙенсе этабы тамамланды. Башҡортостан спортсыһы Ильвир Хузин Александр Касьянов экипажында Алексей Пушкарев һәм Алексей Зайцев менән бергә көмөш миҙалға лайыҡ булды.

Яҡын арала Башҡортостанда күмәк балалар спортын үҫтереү буйынса программа ҡабул ителәсәк. Был хаҡта республика Башлығы Рөстәм Хәмитов Өфөнөң «Олимпик Парк» тау саңғыһы комплексында үткән кәңәшмә йомғаҡтары буйынса белдерҙе.

12 февралдә республика Хөкүмәте йортонда Башҡортостан Башлығы Рөстәм Хәмитов Бөйөк Ватан һуғышында Еңеүҙең 70 йыллығына әҙерләнеү һәм уны байрам итеү буйынса ойоштороу комитетының икенсе ултырышын үткәрҙе. Унда Башҡортостан Хөкүмәте ағзалары, министрлыҡтар һәм ведомстволар етәкселәре, шулай уҡ йәмәғәт ойошмалары вәкилдәре ҡатнашты.

Өфөлә йыл да үткәрелгән мәғариф акцияһы штабында «Тоталь диктант» яҙыуға әҙерлек эштәре башланды. «Тоталь диктант» — уҡый-яҙа белеүҙе күтәреүгә һәм яҙыу мәҙәнилеген үҫтереүгә йүнәлтелгән халыҡ-ара акция.

Льготалы категориялы граждандарҙы һәм дауалау учреждениеларын дарыуҙар менән тәьмин итеү өсөн төбәктәргә дәүләт фармацевтика операторын билдәләү хоҡуғын биреү тураһында ҡарар хаҡтарҙы контролдә тотоуҙы ойоштороуҙа һөҙөмтәле аҙым булыуы ихтимал. Был хаҡта Башҡортостан Башлығы Рөстәм Хәмитов 3 февралдә Өфөлә РФ Министрҙар кабинеты башлығы рәйеслегендә үткән һаулыҡ һаҡлау өлкәһендә көрсөккә ҡаршы саралар әҙерләү буйынса кәңәшмәлә белдерҙе.

Рөстәм Хәмитов Денис Слеповты Башҡортостандың Мәғлүмәтләштереү һәм «Асыҡ республика» системаһының эш итеүе мәсьәләләре буйынса дәүләт комитеты рәйесе  урынбаҫары итеп тәғәйенләне.

Башҡортостанда социаль әһәмиәтле аҙыҡ-түлек Волга буйы федераль округында иң осһоҙо тип билдәләнде. РФ Ауыл хужалығы министрлығында Рәсәй Ауыл хужалығы министрлығының ауыл хужалығы продукттары баҙарын, аҙыҡ-түлек һәм эшкәртеү сәнәғәтен көйләү департаменты директоры урынбаҫары Владимир Азаров етәкселегендәге видеоселектор кәңәшмәлә Волга буйы федераль округы субъекттарындағы ауыл хужалығы баҙарындағы хәлде мониторинглау мәғлүмәттәре тикшерелде.

 «Башҡортостан» дәүләт концерт залында республикала Әҙәбиәт йылын рәсми асыу тантанаһы уҙҙы. Сараға әҙиптәр, етәкселек, йәмәғәт ойошмалары вәкилдәре, район һәм ҡалаларҙың мәҙәниәт бүлектәре начальниктары йыйылды.

Башҡортостанда туҡланыу аҙыҡ-түлегенең минималь йыйылмаһы хаҡы 2014 йылдың декабрь айында 3069,7 һум булды. 2013 йылдың декабре менән сағыштырғанда, ул 17 процентҡа артҡан, тип хәбәр итә Башҡортостанстат.

Башҡортостанда яңы йылдың ғинуарына Пенсия фондының пенсияға һәм башҡа социаль түләүҙәргә сығымдары 12 миллиард 770 һум тәшкил итте. Ғинуар айы өсөн пенсия ваҡытында һәм тулыһынса түләнгән, тип хәбәр иттеләр төбәктең пенсия ведомствоһынан.

Әҙәбиәт йылын рәсми асыу Башҡортостанда йәшәүселәргә ҡыҙыҡлы ижади проекттар башланыуы менән хәтерҙә  ҡаласаҡ. Тантаналы сара 30 ғинуарҙа Ҡала мәҙәниәт һарайында үтә.

Башҡортостан Башлығы Рөстәм Хәмитов Азамат Ғүмәровты республиканың иҡтисади үҫеш министры урынбаҫары итеп тәғәйенләне. Был хаҡта ведомствоның матбуғат хеҙмәтенән хәбәр иттеләр.

Башҡортостанда сираттағы декларация кампанияһы башланды, уның барышында граждандар 2014 йылда алған табышы тураһында иҫәп-хисап бирергә һәм һалым органдарына 3-НДФЛ формаһы буйынса декларациялар тапшырырға тейеш. Был хаҡта ведомствоның сайтында хәбәр ителә.

2015 йылдың 1 ғинуарынан Рәсәйҙә минималь эш хаҡы айына 5965 һум күләмендә билдәләнгән. Рәсәй Президенты Владимир Путин «Минималь эш хаҡы күләме хаҡында»ғы закон статьяһына үҙгәрештәр индереү тураһында»ғы Федераль законға ҡул ҡуйған.

Башҡортостан Республикаһында Эшҡыуарлыҡ аҙналығы – эшлекле форум Өфөлә 2 декабрҙә асылды. Уны үткәреү урыны – «Йәшлек» спорт-һауыҡтырыу комплексы.

1, 2, 3, 4, 5, 6 һәм 8 ғинуарҙа яңы йыл каникулдары һәм 7 ғинуарҙа Раштыуа байрамы – эшләмәгән байрам көндәре. 3 һәм 4 ғинуар шәмбе һәм йәкшәмбегә тура килгәс ял көндәре күсерелә. 3 ғинуарҙағы ял көнө йома, 9 ғинуарға, ә 4 ғинуар – дүшәмбе, 4 майға күсерелә.

2015 йыл Башҡортостан Республикаһында, Рәсәй Федерацияһындағы кеүек, Әҙәбиәт йылы тип иғлан ителде. Тейешле Указға республика Президенты Рөстәм Хәмитов ҡул ҡуйҙы.

Нефтекамала 400 ашыу объекттарҙың хужаһы юҡ. 15 ноябрҙән алып Нефтекама ҡалаһында Башҡортостан Республикаһы Ер һәм мөлкәт мөнәсәбәттәре министрлығының Нефтекама ҡалаһы буйынса милек менән идара итеү комитеты Нефтекама ҡалаһы ҡала округы хакимиәтенең мәғлүмәт-аналитика  бүлеге менән  берлектә «Халыҡ инвентаризацияһы» исемле ҡала акцияһын үткәрә.

9 ноябрҙә Башҡорт дәүләт университетының Нефтекама филиалында асыҡ ишектәр көнө үтте. Сарала сығарылыш синыф уҡыусылары юғары уҡыу йорто менән яҡыныраҡ танышты.

«Миллениум» эстрада һәм акробатика бейеү студияһында шөғөлләнеүселәр халыҡ-ара бәйгеләрҙә ҡатнашып, Нефтекама ҡалаһын лайыҡлы яҡлап ҡайтты.

Башҡортостанда уртаса айлыҡ эш хаҡы ағымдағы йылда 23 779,8 һум тәшкил итә. Ғинуар-сентябрь өсөн тулы ойошмалар теҙмәһе буйынса мәғлүмәттәрҙе Башҡортостанстат анализлаған.