Яңылыҡтар

Хеҙмәт министрлығы рәсәйҙәрҙең 2018 йылда нисек ял итәсәген билдәләне. Документ норматив-хоҡуҡи акттар проекттары порталында баҫылған.

Башҡортостанда торлаҡ өсөн аҡса туплау программаһы буйынса тәүге ипотека кредиттарын биреү башланды.

Башҡортостанда күп балалы ғаиләләргә социаль ярҙам күләмен ике тапҡырға, ай һайын өстән алты меңгә тиклем арттырырға ниәтләйҙәр. Был хаҡта республика башлығы Рөстәм Хәмитов «ТАСС» агентлығына хәбәр итте, «Владимир Путин менән тура бәйләнеш» барышында Өфө табибының һорауына аңлатма биреп.

Владимир Путин менән тура эфирҙа Башҡортостанда яңы тыуған сабыйҙы күрһәттеләр. Был хәл Өфөләге «Әсә һәм бала» госпиталенән тура эфирға сыҡҡан мәлдә булды. Миллиондарса тамашасы яңы ғына клиникала донъяға килгән улы менән бәхетле атайҙы күрҙе. Ғаилә башлығы Артур Сухарев икенсе улының 3800 ауырлыҡта һәм 54 сантиметр булып тыуыу шатлығы менән уртаҡлашты. Ата-әсә улдарына Михаил тип исем ҡушырға уйлай.

Республиканың Белорет районы биләмәһендә урман йығыусылар араһында «Урман ҡырҡыусы-2017» Рәсәй чемпионатының төбәк ярыштары уҙҙы.

Төбәктең Хеҙмәт һәм халыҡты социаль яҡлау министрлығы мәғлүмәттәре буйынса, ағымдағы йылдың мартында Башҡортостанда уртаса эш хаҡы 28 094 һум тәшкил иткән.

Рәсәй почтаһы алдағы байрам көндәрендә эш графигын хәбәр итте. Йәкшәмбе, 11 июндә, почта бүлексәләре бер сәғәткә аҙыраҡ, йәғни киске 5-кә тиклем эшләй. 12 июнь, дүшәмбе – ял көнө.

Башҡортостандың 23 муниципалитеты «Заманса ҡала мөхитен булдырыу» проектында ҡатнашыу буйынса үҙ программаларын раҫланы, тип хәбәр иттеләр республика хөкүмәтендә. Бөтә муниципаль берәмектәрҙә лә йәмәғәт тыңлауҙары уҙғарылған һәм объекттар исемлеге билдәләнгән.

Ағымдағы йылдың 4 июнендә Үзбәкстандың Ташкент ҡалаһында, мосолман халҡының яҙғы баҫыу эштәрен тамамлауға арналған “Һабантуй” байрамы үтте.

2017 йылда «Заманса ҡала мөхите булдырыу» өҫтөнлөклө проектын финанслауҙың дөйөм күләме 1 миллиард 32 миллион һум, шул иҫәптән федераль ҡаҙнанан 856,64 миллион һум, республика бюджетынан 175,45 миллион һум тәшкил итәсәк, тип хәбәр итә республика Торлаҡ-коммуналь хужалыҡ министрлығының матбуғат хеҙмәте.

Йәш ғалимдарҙы – Өфө һәм республика юғары уҡыу йорттары студенттарын иң яҡшы ғилми эш конкурсында ҡатнашырға саҡыралар. Конкурс студенттарҙың ғилми-тикшеренеү эшмәкәрлеген дәртләндереүгә йүнәлтелгән һәм төбәктең ғилми йәштәренә төрлө ғилми өлкәләрҙәге асыштарын күрһәтеү мөмкинлеге бирә, уның һөҙөмтәләре республиканың социаль-иҡтисади үҫешенә йүнәлтеләсәк. Бынан тыш, ойоштороусылар иҫәпләүенсә, конкурс республиканың алдынғы юғары профессиональ белем биреү ойошмаларының уртаҡ фундаменталь һәм ҡулланма тикшеренеүҙәрҙең һөҙөмтәлелеген арттыра.

«Йәшел патруль» дөйөм Рәсәй йәмәғәт ойошмаһы 2017 йылдың яҙ йомғаҡтары буйынса сираттағы экологик рейтингын төҙөнө. Башҡортостан дөйөм рейтингта, бынан алдағы йомғаҡтар менән сағыштырғанда ике баҫҡысҡа күтәрелеп, үҙ позицияларын яҡшыртты һәм 57-се урынды биләне. Волга буйы федераль округы субъекттары араһында республика 10-сы урынға сыҡты.

Башҡортостан Башлығы Рөстәм Хәмитов балаларҙың ял итеү урындарында хәүефһеҙлекте тәьмин итеүгә арналған Башҡортостан Республикаһының террорға ҡаршы комиссияһы ултырышын уҙғарҙы. Шулай уҡ йәйге сәләмәтләндереү кампанияһы осоронда балаларҙың ялын һәм уларҙың һаулығын нығытыуҙы бойомға ашырыусы ойошмаларҙа балаларҙың хәүефһеҙлеген тәьмин иткән ҡануниәтте үтәү мәсьәләләре тикшерелде.

Башҡортостан социаль-иҡтисади үҫеш йомғаҡтары буйынса иң яҡшы 10 төбәк иҫәбенә инде. Был «Рәсәй бөгөн» дәүләт медиагигант структураһында булған «Рейтинг» Рәсәй мәғлүмәт агентлығы төҙөгән төбәктәрҙең социаль-иҡтисади торошо рейтингының мәғлүмәттәре.

Июндә Башҡортостан халҡын Рәсәй көнө һәм Ураҙа байрамы уңайынан ике өҫтәмә ял көнө көтә.

Башҡортостанда эшһеҙҙәр һаны аҙайған, тип хәбәр итәләр мәшғүллек хеҙмәтенән. Әгәр йыл башында төбәктә 23,6 мең эшһеҙ булһа, әле иһә уларҙың һаны 22,7 меңгә тиклем кәмегән.

25 майҙа Башҡортостанда 17,5 мең самаһы 11 класс уҡыусыһы мәктәп менән хушлаша. Дөйөм белеү биреү йорттарында тантаналы саралар уҙғарыла, уҡытыусыларҙың юл теләктәре, уҡыусыларҙың рәхмәт һүҙҙәре яңғырай һәм, әлбиттә, һуңғы ҡыңғырау сыңлай.

Былтыр иң юғары эш хаҡын финанс тармағында эшләүсе хеҙмәткәрҙәр алған, тип белдерҙеләр Рәсәй Хеҙмәт министрлығында. Иң түбән табыш – аграр сәнәғәт комплексы хеҙмәткәрҙәрендә.

Башҡортостанда ғаиләләрҙең бөтә категорияларына балалар баҡсаһы өсөн түләүгә ата-әсәләргә компенсацияларҙы кире ҡайтарыу хаҡында ҡарар ҡабул ителде: беренсе бала өсөн — 20, икенсеһенә — 50, өсөнсөһөнә 70 процент.

Быйыл Башҡортостанда бюджет өлкәһе хеҙмәткәрҙәренә эш хаҡы арттырыла. «Башинформ» мәғлүмәт агентлығы хәбәр иткәнсә, Башҡортостан Башлығы Рөстәм Хәмитовтың ҡушыуы буйынса Рәсәй Президентының 2012 йылдың 7 майындағы указдарын тормошҡа ашырыу маҡсатында Башҡортостан Хөкүмәтенең «2017 йылда Башҡортостан Республикаһы дәүләт һәм муниципаль учреждениелары хеҙмәткәрҙәренең эш хаҡын арттырыу буйынса саралар тураһында»ғы ҡарар проекты ҡабул ителде.

Отечество.ру мәҙәни-мәғрифәтселек порталында «Еңеү ғаиләһе» бүлеге булдырылған. Уны тулыландырыуҙа Рәсәй һәм башҡа дуҫлыҡ мөнәсәбәтендәге илдәрҙең граждандары ҡатнаша ала. Бының өсөн Бөйөк Ватан һуғышын кисергән туғандарығыҙҙың һәм яҡындарығыҙҙың тарихын яҙып ебәрергә кәрәк.

15 майҙан Башҡортостандың Төҙөлөш һәм архитектура буйынса дәүләт комитеты тәүге бала тыуғанда ғаиләгә торлаҡ шарттарын яҡшыртыу өсөн бер тапҡыр бирелә торған түләүҙе алыуға ғаризалар ҡабул итә башланы.

Башҡортостандың Дәүләт Йыйылышы Рәйесе Константин Толкачев хоҡуҡ һаҡлау органдарын һуңғы ҡыңғырау көнөндә «ҡоро закон»дың үтәлешен тәьмин итергә саҡырҙы. Үткән йылдың декабрендә Дәүләт Йыйылышы депутаттары «Башҡортостан Республикаһында этил спирты, алкоголле һәм спиртлы продукция етештереү һәм әйләнеше өлкәһендәге эшмәкәрлекте көйләү тураһында»ғы законға үҙгәрештәр индерҙе. Үҙгәрештәр «Һуңғы ҡыңғырау» байрамында республика биләмәһендә алкоголле эсемлектәр һатыуҙы тулыһынса тыйыуҙы күҙ уңында тота. Ағымдағы йылдың ғинуарынан яңы закон көсөнә инде. Ошондай сикләү 25 майҙа тәүге тапҡыр ҡулланыла.

Хөкүмәт страховка пенсияларын билдәләү өсөн страховка стажын иҫәпләү ҡағиҙәләренә үҙгәрештәр индерҙе. Атап әйткәндә, I төркөм инвалидын, инвалид баланы йәки 80 йәшкә еткән оло кешене тәрбиәләгән осорҙо раҫлауҙың ябайлаштырылған тәртибе күҙ уңында тотола, тип хәбәр итә ТАСС.

Башҡортостандың Хеҙмәт һәм халыҡты социаль яҡлау министрлығы мәғлүмәттәре буйынса, быйыл февралдә республикала уртаса эш хаҡы 26 998 һумға еткән.