Яңылыҡтар

28.10.16
Республикала пенсионерҙарҙың йәшәү минимумы артты

2017 йылда Башҡортостанда пенсионерҙарҙың йәшәү минимумы 8015 һум тәшкил итәсәк. 27 октябрҙә республика Дәүләт Йыйылышының пленар ултырышында тейешле закон проекты өс уҡыуҙа ҡабул ителде.

26.10.16
Республикала меңдән ашыу граждан үҙҙәрен законлы рәүештә банкрот тип иғлан иткән

Росреестрҙың Башҡортостан буйынса идаралығы мәғлүмәттәренә ярашлы, «Физик берәмектәрҙең банкротлығы тураһында» федераль закон үҙ көсөнә ингәндән һуң, республиканың арбитраж судына халыҡтан үҙҙәрен банкрот тип таныу тураһында 1109 ғариза килгән, шуларҙың 831-е — ағымдағы йылда.  

25.10.16
7 декабрҙә сығарылыш класы уҡыусылары йомғаҡлау иншаһын яҙа

7 декабрҙә Башҡортостанда сығарылыш класы уҡыусылары йомғаҡлау иншаһын яҙа. Өс йыл инде ошо эш Берҙәм дәүләт имтиханына рөхсәт булып тора, инша яҙыуҙа ҡатнашыу өсөн ғаризалар 23 ноябргә тиклем ҡабул ителә. Быйылғы сығарылыш класы уҡыусылары үҙҙәре белем алған мәктәптә теркәү үтә. Уҙған йылдарҙа мәктәп тамамлаусылар төбәктең мәғариф менән идара итеү органы билдәләгән урындарға ғариза бирергә тейеш.

24.10.16
Төбәктә уртаса хеҙмәт хаҡы артты

Ағымдағы йылдың ғинуар-сентябрь айҙары йомғаҡтары буйынса Башҡортостанда уртаса айлыҡ эш хаҡы 27 мең һумдан артты. Ғинуар-август менән сағыштырғанда үҫеш 6,9 процент тәшкил итте.

20.10.16
Рәсәйҙә Экология йылының рәсми эмблемаһы раҫланды

Рәсәйҙә Экология йылының рәсми эмблемаһы раҫланды. Тейешле федераль һәм төбәк саралары өсөн берҙәм брендты Рәсәй Президентының тәбиғәтте һаҡлау эшмәкәрлеге, экология һәм транспорт мәсьәләләре буйынса махсус вәкиле, илдә Экология йылын үткәреү буйынса ойоштороу комитеты рәйесе Сергей Иванов раҫланы.

19.10.16
Нефтекама табиптары илдәге иң яҡшы терапевтарҙың тәүге рейтингына инде

Нефтекама  табиптары илдәге иң яҡшы терапевтарҙың тәүге рейтингына инде. Рәсәй Хөкүмәте рәйесе урынбаҫары Ольга Голодец, Рәсәй һаулыҡ һаҡлау министры Вероника Скворцова һәм «Юғары иҡтисад мәктәбе» милли тикшеренеү университеты етәкселеге ҡатнашлығындағы презентация барышында тикшеренеү һөҙөмтәләре иғлан ителде.

19.10.16
Ноябрҙә рәсәйҙәрҙе өҫтәмә ял көнө көтә

Халыҡтар берҙәмлеге көнөн байрам итеүгә бәйле ноябрҙә рәсәйҙәрҙе өҫтәмә ял көнө көтә.

18.10.16
Башҡортостанда 2017 йылда мосолман байрамдарының датаһы билдәләнде

2017 йылда Ураҙа һәм Ҡорбан байрамдарын рәсми байрам итеү көндәре билдәләнде, тип хәбәр итә Башҡортостан Хөкүмәтенең матбуғат хеҙмәте. «Байрам һәм иҫтәлекле көндәр тураһында»ғы республика Законына ярашлы, 2017 йылда Ураҙа байрамы 25 июнгә һәм Ҡорбан байрамы 1 сентябргә тура килә. Был көндәр ял һәм байрам көндәре тип иғлан ителә.

17.10.16
1 ноябрҙә төбәктә киҙеүгә ҡаршы вакцинация тамамлана

1 ноябрҙә республикала киҙеүгә ҡаршы вакцинация тамамлана. Башҡортостан буйынса Роспотребнадзор идаралығы етәксеһе урынбаҫары Александр Жеребцов әйтеүенсә, әлеге ваҡытта республикала яҡынса 1 миллион 100 мең кешегә, шул иҫәптән 116 меңдән ашыу балаға прививка яһалған. План буйынса ноябргә 300 мең балаға киҙеүгә ҡаршы бушлай прививка эшләнергә тейеш.

13.10.16
Төбәктә гәзит-журналдарға яҙылыу башланды

Башҡортостанда гәзит-журналдарға яҙылыу башланды, тип хәбәр итә Федераль почта хеҙмәтенең республика буйынса идаралығы. 13-23 октябрҙә яҙылыусыларға ташлама яһала. Шулай уҡ гәзит-журналдар ташыу өсөн үҙәк баҫмаларға — 10, республика һәм урындағы киң мәғлүмәт сараларына 15 процентҡа тиклем ташлама ҡаралған.

12.10.16
Нефтекама тиҙ үҫешеүсе биләмә статусына дәғүә итә

Башҡортостан Рәсәй Иҡтисади үҫеш министрлығына республиканың икенсе һәм өсөнсө категориялы моноҡалаларында тиҙ социаль-иҡтисади үҫешеүсе биләмә булдырыу өсөн ғариза бирҙе. Уларға Нефтекама, Белорет, Учалы һәм Благовещен ҡарай. Ғаризаларға Башҡортостан Башлығы Рөстәм Хәмитов ҡул ҡуйған.

12.10.16
Бөгөн — Башҡортостандың дәүләт символдары көнө

1993 йылдың 12 октябрендә Башҡортостандың дәүләт символикаһы — республиканың гербы һәм гимны раҫланды.

10.10.16
Башҡортостанда республиканың 100 йыллығына 100 инвестиция проекты ойошторола

Республиканың юбилейы уңайынан Башҡортостандың Сауҙа-сәнәғәт палатаһы «Республиканың 100 йыллығына — 100 инвестиция проекты» тигән эшҡыуарлыҡ акцияһын башлай. Уның маҡсаты — республикала инвестиция мөхитен яҡшыртыу өсөн шарттар булдырыу, бизнес һәм властың яңы үҙ-ара эш итеү механизмдарын һынап ҡарау. Акцияны республика Башлығы һәм Хөкүмәте хуплаған, тип хәбәр иттеләр Сауҙа-сәнәғәт палатаһында.  

07.10.16
Төбәктә уртаса хеҙмәт хаҡы 26 786 һумға етте

Ошо йылдың июнь-август айҙарында хеҙмәткәрҙәрҙе һайланма тикшереү мәғлүмәттәре буйынса, июлдә Башҡортостанда уртаса эш хаҡы 26 789 һум тәшкил иткән. Эшкә һәләтле халыҡ өсөн йәшәү минимумы 9363 һумға тиң. Был хаҡта республика Хеҙмәт һәм халыҡты социаль яҡлау министрлығының матбуғат хеҙмәте хәбәр итә.

06.10.16
Республиканың ҡайһы мәктәптәре Рәсәйҙә иң яҡшылар исемлегенә инеүе билдәле булды

Башҡортостандағы 12 гимназия һәм лицей илдең иң яҡшы 500 белем биреү ойошмаһы исемлегенә инде. Улар 2015-2016 уҡыу йылында юғары һөҙөмтәләр күрһәтте. Мәктәптәрҙең исемлеге Рәсәйҙең Мәғариф һәм фән министрлығы сайтында баҫылған.

04.10.16
11 октябрь — республикала байрам көнө

Башҡортостан Республикаһында байрам һәм иҫтәлекле көндәр тураһында»ғы Законға ярашлы, Республика көнө — Башҡортостандың дәүләт суверенитеты тураһында декларация ҡабул ителгән көн — байрам көнө тип иғлан ителде.

26.09.16
Башҡортостандың күпселек райондарында йылытыу миҙгеле башланды

Башҡортостанда 63 муниципалитеттың 40-ы йылытыу миҙгелен башлау тураһында ҡарар ҡабул итте. Туғыҙ муниципаль берәмектә йорттарға һәм социаль объекттарға йылы бирелгән дә инде.

23.09.16
«Дуҫлыҡ моңо» халыҡ-ара конкурсы йырсыларҙы ҡатнашырға саҡыра

Башҡорт һәм татар йырҙарын башҡарыусыларҙың «Дуҫлыҡ моңо» халыҡ-ара конкурсы йырсыларҙы ҡатнашырға саҡыра. Фестиваль 19-21 октябрҙә Нефтекама ҡалаһында уҙғарыла. Конкурста 16 йәштән 35 йәшкәсә һәүәҫкәр башҡарыусылар ғына ҡатнаша.

19.09.16
Башҡортостанда бер мандатлы округтарҙа Дәүләт Думаһына һайлауҙа еңеүселәр билдәләнде

Башҡортостанда бер мандатлы округтар буйынса Дәүләт Думаһына һайлауҙа еңеүселәр билдәләнде.

16.09.16
Социаль-хеҙмәт мөнәсәбәттәрен көйләү буйынса өс яҡлы республика килешеүенә ҡул ҡуйылды

15 сентябрҙә Республика йортонда Социаль-хеҙмәт мөнәсәбәттәрен көйләү буйынса өс яҡлы республика комиссияһы вәкилдәре Башҡортостан Профсоюздар федерацияһы, эш биреүселәр берләшмәләре һәм Башҡортостан Хөкүмәте араһында 2017-2019 йылдарға Республика килешеүенә ҡул ҡуйҙы.