Яңылыҡтар

Физик берәмектәрҙең килеменә һалым буйынса Декларация кампанияһы башланды, тип иҫкә төшөрә Федераль һалым хеҙмәтенең Башҡортостан идаралығы. Өс йыл милкендә булған мөлкәтте һатыуҙан (2016 йылдың 1 ғинуарынан һуң һатып алынған күсемһеҙ милеккә — биш йыл), шулай уҡ фатир йәки бүлмәне ҡуртымға биреүҙән, эшҡыуарлыҡ эшмәкәрлегенән килем алыусылар апрель аҙағына тиклем һалым декларацияһын тапшырырға тейеш. Тулы исемлек Рәсәй Һалым кодексының 208-се статьяһында бирелгән.  

Башҡортостан статистары республика халҡының 2016 йылдағы аҡсалата килемен иҫәпләп сығарҙы.

Башҡортостан бюджет мәғлүмәттәренең асыҡлыҡ кимәле юғары булған төбәктәр төркөмөнә инде. Йыл һайын Ғилми-тикшеренеү финанс институты Рәсәй Финанс министрлығы заказы буйынса ил субъекттарында бюджет мәғлүмәттәренең асыҡлыҡ кимәлен баһалай. Баһалау һөҙөмтәһе буйынса Рәсәй төбәктәренең рейтингы төҙөлә.

Бәләкәй эшҡыуарлыҡҡа ярҙам итеү буйынса республика программаһы сиктәрендә Башҡортостанда тағы ла биш район-ара Эштә булышлыҡ итеү үҙәге асыла. Унда яңы эш башлаған эшҡыуарҙар бушлай консультация, юридик һәм бухгалтер ярҙамы ала.

2017 йылдың 1 февраленән әсәлек һәм балалыҡ буйынса пособиелар күләме индексацияланды. Уларҙың иҫәбендә – бала тыуғанда бер тапҡыр бирелә торған пособие, йәш ярымға тиклем бала тәрбиәләү буйынса айлыҡ пособие һәм йөклөлөк осоронда медицина учреждениеһына иртә иҫәпкә торған өсөн пособие. Уларҙың дәүмәле 5,4 процентҡа артты.

Ватанды һаҡлаусылар көнө уңайынан Башҡортостанда йәшәүселәр дүрт көн рәттән — 23, 24, 25 һәм 26 февралдә ял итә ала.

1 февралдән республикала Дәүләт һәм муниципаль хеҙмәттәр күрһәтеү буйынса күп функциялы үҙәктең 15 офисында Рәсәй паспорттары бирелә башланы.

2017 йылдың 14-22 октябрендә Сочи ҡалаһында XIX Бөтә донъя йәштәр һәм студенттар фестивале ойошторола. Фестивалгә 150 илдән 20 мең кеше килә. Донъя йәштәрен берләштергән байрамға коммерцияға ҡарамаған сектор, фән, ижад, спорт, педагогика, IT, сәйәсәт өлкәләрендәге йәш лидерҙар, иң яҡшы студенттар, Рәсәй мәҙәниәте менән ҡыҙыҡһынған милләттәштәребеҙ һәм сит ил вәкилдәре йыйыла.

Башҡортостанда Фәриҙә Ҡудашева исемендәге Халыҡ-ара башҡорт һәм татар йырҙарын башҡарыусылар конкурсы йәнә уҙа. Туғандаш халыҡтарҙың традицион йыр бәйгеһе Нефтекамала 5-7 апрелдә ойошторола. Конкурста ҡатнашыуға 16 йәштән 35 йәшкәсә һәүәҫкәр башҡарыусылар, шулай уҡ музыка училищеларының I-II курс вокал бүлеге студенттары саҡырыла.

Башҡортостанда Рима Баталованың IV йәмәғәт премияһы конкурсы старт алды. Сараны «Милләт йәшлеге» төбәк йәмәғәт фонды ойоштора. Фонд мөмкинлектәре сикле йәш спортсыларҙы, тренерҙарҙы, инвалид балаһы булған йәш ғаиләләрҙе, ярҙам итеүселәрҙе, шулай инвалидтар проблемаһын яҡтыртҡан киң мәғлүмәт сараларын дәртләндереүгә йүнәлтелгән.

Башҡортостандың Торлаҡ-коммуналь хужалыҡ министрлығы 2016 йыл йомғаҡтары буйынса «Иң яҡшы күп фатирлы йорт» республика конкурсында ҡатнашыуға ғаризалар ҡабул итә башланы. Дәғүәселәр 2017 йылдың 15 апреленә тиклем үҙҙәре хаҡында мәғлүмәт бирергә тейеш.

Өфө дәүләт нефть техник университеты 28 һәм 29 ғинуарҙа Асыҡ ишектәр көнөн уҙғара.

Дәүләт теркәүе, кадастр һәм картография буйынса федераль хеҙмәттең сайтында Күсемһеҙ милектең берҙәм реестрынан онлайн режимда мәғлүмәттәр биреү һәм документтар ҡабул итеүгә алдан яҙылыу буйынса яңы ике сервис эшләй башланы.

Һеҙҙе Рәсәй студенттары көнө менән ысын күңелдән ҡотлайбыҙ! Студент ваҡыты – сағыу һәм онотолмаҫ мәл. Һеҙ - инициатив, әүҙем, дәртле, ҡыйыу, яңы үрҙәргә ынтылыусы йәштәр. Бөгөн беҙҙең йәмғиәт тырыш, эшләргә теләүсе кешеләргә мохтаж. Беҙ һеҙҙең ижади һәм интеллектуаль мөмкинлектәрегеҙгә ышанабыҙ!  Ҡалабыҙҙың һәм республикабыҙҙың киләсәге өсөн һеҙгә ҙур өмөттәр бағлайбыҙ!

Башҡортостан моноҡалаларҙа эшҡыуарлыҡҡа булышлыҡ итеүгә федераль саралар йәлеп итеү буйынса беренселектә тора. Ошо көндәрҙә Мәскәүҙә бәләкәй һәм урта эшҡыуарлыҡҡа дәүләт ярҙамы – төбәк бюджеттарына субсидиялар бүлеү буйынса конкурс уҙҙы. Моноҡалаларҙа бәләкәй эшҡыуарлыҡҡа ярҙам итеү өсөн алған саралар күләме буйынса Башҡортостандың Эшҡыуарлыҡ һәм сауҙа буйынса дәүләт комитеты икенсе йыл рәттән беренсе урында килә.

Нефтекама ҡалаһы ҡала округында  график  буйынса йорт  алды территорияларын  ҡарҙан таҙартыу буйынса  эштәр башҡарыласаҡ. Таҙартыу эштәре ваҡытында һәм тейешле сифатта башҡарылһын өсөн, автомобиль һәм башҡа транспортты алып тороуыгыҙҙы үтенәбеҙ. График һауа торошо һәм башҡа шарттар арҡаһында үҙгәрергә мөмкин.

2017 йылда әсәлек капиталы күләме былтырғы кимәлдә ҡала һәм 453 026 һум тәшкил итә. 2018 йылдың 31 декабренә тиклем ғаиләлә икенсе йәки артабанғы сабыйҙың тыуыуы әсәлек капиталына хоҡуҡ бирә. Әммә сертификатты алыу һәм аҡсаны тотоноу ваҡыты сикләнмәгән.

Башҡортостандың Торлаҡ-коммуналь хужалыҡ министрлығы ваҡытлы матбуғат баҫмалары һәм сайттар, мәғлүмәт агентлыҡтары, телевидение һәм радио журналистарын, материал авторҙарын, редакция коллективтарын торлаҡ-коммуналь хужалыҡ реформаһын иң яҡшы яҡтыртыу республика конкурсында ҡатнашырға саҡыра.  

2017 йылда Рәсәйҙә һәм Башҡортостанда иғлан ителгән Экология һәм махсус һаҡланған тәбиғәт биләмәләре йылы планына атмосфера һауаһын, һыу объекттарын, үҫемлектәр һәм йәнлектәр донъяһын һаҡлау, шулай уҡ халыҡтың экологик мәҙәниәтен күтәреү өлкәһендә 118 сара ингән. Был хаҡта матбуғат конференцияһында төбәктең тәбиғәттән файҙаланыу һәм экология министры Илдар Һаҙыев һөйләне.

Башҡортостан Иҡтисади үҫеш министрлығында республиканың 2030 йылға тиклем социаль-иҡтисади үҫеш стратегияһы проектын әҙерләүгә ҡағылышлы тәҡдимдәр ҡабул итеү өсөн махсус электрон почта булдырылған.

2017 йылдың 22 ғинуарында Нефтекама ҡалаһы ҡала округында "Арсенал" кинотеатры эргәһендә "Матурлыҡ - йәшәү рәүеше" ҡышҡы фестивале үтәсәк.
 

Яңы йылдан илдә торлаҡ-коммуналь хужалыҡ өлкәһендә яңы ҡағиҙәләр үҙ көсөнә инде. Хәҙер дөйөм йорт ихтыяждары өсөн түләү 2016 йылдағы мәғлүмәттәр буйынса уртаса һандарҙа күрһәтелгән нормативтар менән сикләнгән. Шулай итеп, торлаҡ-коммуналь хеҙмәттәрҙе иҫәпләү асыҡ буласаҡ, тине Башҡортостандың Торлаҡ һәм төҙөлөш күҙәтеүе буйынса дәүләт комитеты рәйесе Илдар Шафиҡов.

Хеҙмәт һәм социаль яҡлау министрлығы күҙаллауынса, 2017 йылда рәсәйҙәрҙең эш хаҡы арта. Ведомство башлығы Максим Топилин «Рәсәй гәзите»нә биргән интервьюһында ошо турала белдерҙе.

Башҡортостандың медицина учреждениеларында яңы диспансерлаштырыу кампанияһы башланған. Хәтерегеҙгә төшөрәбеҙ, ул 21 йәштән 90 йәшкә тиклемге граждандар өсөн бушлай өс йыл һайын уҙғарыла. Диспансерлаштырыуҙы үтеү ирекле, әммә кеше унан баш тартһа, табип пациенттың амбулатор картаһына ошо хаҡта билдә ҡуя.

Декабрҙә Башҡортостанда эшһеҙлек буйынса пособиеның уртаса күләме 4159 һум, йәки эшкә һәләтле халыҡ өсөн йәшәү минимумы дәүмәленән 46,3 процент тәшкил итте.