Яңылыҡтар

Башҡортостанда 20-се пациент коронавирус инфекцияһынан вафат булған

Башҡортостан Һаулыҡ һаҡлау министрлығының 14 июлгә мәғлүмәттәре буйынса, республикала 20-се пациент коронавирустан вафат булған.

Хәбәр ителеүенсә,ул – Өфөлә йәшәгән 1971 йылғы ир-егет.

Бөгөнгә коронавирустан вафат булғандарҙың дөйөм һаны 20 кеше тәшкил итә.

Алдан хәбәр ителгәнсә, Башҡортостанда СOVID-19 йоҡтороусылар һаны 6014-кә еткән. Һуңғы тәүлектә 47 яңы осраҡ асыҡланған.

Бөгөнгә республика стационарҙарында 310 пациент дауалана. Уларҙың 25-е – ауыр хәлдә, 6 кеше үпкәне яһалма елләтеү аппаратына тоташтырылған.

1514 сирле амбулатор шарттарҙа дауалана. Уҙған тәүлектә 171 кеше һауығып сыҡҡан. Бөтә осорҙа 4170 кеше һауыҡҡан.