Яңылыҡтар

Башҡортостанда Экология йылының иң яҡшы эмблема проектына һәм слоганына конкурс дауам итә

Башҡортостандың Тәбиғәттән файҙаланыу һәм экология министрлығы Экология һәм айырыуса һаҡланған тәбиғәт биләмәләре йылының эмблемаһына һәм слоганын эшләү конкурсында ҡатнашыу өсөн ғаризалар ҡабул итә.

Конкурсҡа 2016 йылдың 1 ноябрендә йомғаҡ яһала. Еңеүселәр ҡиммәтле бүләктәр, «Тәбиғәт» республика экология журналына йыллыҡ подписка менән бүләкләнә.

Бәйгелә теләгән һәр кем, шул иҫәптән авторҙар коллективы ҡатнаша ала. Ғаризалар һәм проекттар быйыл 1 октябргә тиклем nikandrova.n@bashkortostan.ru электрон почтаһына йәки Өфө ҡалаһы, Ленин урамы, 86, 213-сө бүлмә адресы буйынса ҡабул ителә. Белешмә өсөн телефон: (347) 218-04-29.