Яңылыҡтар

Башҡортостанда аҙыҡ-түлеккә уртаса хаҡтар билдәле булды

Башҡортостанстат социаль әһәмиәтле аҙыҡ-түлектең ҡайһы бер төрҙәренә уртаса хаҡтарҙы баҫтырып сығарҙы.

Ноябрҙә һарыҡ итенең килограмы 337 һум, һыйыр ите — 295, сусҡа ите — 245, ҡош ите 131 һум торған.

Ай һуңында республикала бер килограмм туңдырылған балыҡтың уртаса хаҡы — 132, көнбағыш майы 102 һум тәшкил иткән.

Һөт ризыҡтарына килгәндә, аҡ майҙың бер килограмын — 415, сырҙы 413 һумға һатып алырға мөмкин ине.

Республика халҡы 2,5-3,2 процент ҡуйылығындағы пастеризацияланған һөттөң бер литрын 43 һумға һатып алған. Стерилләнгән һөттөң бер литры 57 һум торған.

Ноябрь аҙағында бер тиҫтә йомортҡаның хаҡы 59 һум, бер килограмм шәкәр — 48, бөртөклө ҡара сәй — 672, тоҙ — 10, бойҙай оно 30 һум тәшкил иткән.

Бер килограмм ҡарабойҙай — 69, дөгө — 51, тары ярмаһы 28 һумға һатылған.

Ноябрҙә аҡ күсәнле кәбеҫтәнең бер килограмы 16 һум, башлы һуған һәм картуф — 18, кишер 21 һум тәшкил иткән. Республикала бер килограмм алманың уртаса хаҡы яҡынса 71 һум торған.