Яңылыҡтар

2010-сы йыл ЗАГС бүлеге хеҙмәткәрҙәре өсөн ысын мәғәнәһендә уңышлы булған тип әйтергә була. Үткән йылда 2000-гә яҡын сабый донъяға килгән, дөрөҫөрәге тыуыу тураһында таныҡлыҡ 1923 сабыйҙың ата-әсәһенә тапшырылған. Был 2009-сы йыл менән сағыштырғанда 23 танытмаға күберәк.

Бер меңдән ашыу никах теркәлгән, был һан  үткән йылдыҡынан 100-гә  күберәк.

Айырылышыуҙар һаны кәмегән, 2009-сы йылда 600-ҙән артыҡ пар тарҡалһа, 2010-сы йылда ундайҙар һаны 560-ҡа ҡалған.

Үлем үткән йыл кимәлендә ҡалған, яҡты донъя менән 1273 кеше хушлашҡан.

Ә инде яңы 2011 –се йыл башынан ҡала ЗАГС бүлегендә 13 никах, 9 айырылышыу теркәлгән, тыуыу тураһында таныҡлыҡ 41 сабыйыҙың ата-әсәһенә тапшырылған, 63 кеше вафат булған.