Яңылыҡтар
Фатирлы булдылар
Етем һәм ата-әсә ҡарауынан ҡалған үҫмерҙәргә дәүләт ярҙамы сиктәрендә ағымдағы йылда Нефтекамаға республика ҡаҙнаһынан 4 миллион 300 мең, ә ҡала бюджетынан - 2,5 миллион һум аҡса бүленгән. Нефтекама ҡалаһы ҡала округы хакимиәте был аҡсаларға фатир алыуҙы планлаштыра.
Ниһайәт, октябрҙең тәүге көндәрендә ҡала хакимиәте башлығы В.Громов ике бүлмәле фатирҙың асҡысын тантаналы шарттарҙа Ершов-Шәйхетдиновтар – Ирина, Дмитрий, Игорь, ғаиләһенә тапшырҙы. Апайлы-ҡустылы Ершов-Шәйхетдиновтар кисергән ауырлыҡтарҙан һуң бындай бүләккә бик шат һәм ярҙам итеүселәргә рәхмәтле. Тағы ла биш бер бүлмәле фатирҙың асҡыстарын етем һәм ата-әсә ҡарауынан ҡалған баларға биреү ҡаралған.