Яңылыҡтар
04.07.09
Экологик милиция
Ҡалала билмәләрҙең торошон ҡайғыртмаған магазин, ойошмаларҙың һаны бихисап. Сүп-сар, оҙон булып үҫкән ҡырағай үләндәр ҡаланың дөйөм ҡиәфәтенә кире йоғонто яһай. Экологик нормалар буйынса ҡала урамдарында урынлашҡан магазин, ойошма территорияларында үҫкән ҡыр үләндәре 20 сантиметрҙан, ә инде декоратив газон 8 сантиметрҙан оҙон булмаҫҡа тейеш. Республика законына ярашлы, һәр шәхси эшҡыуар төҙөкләндереү ҡағиҙәләренә һәм санитар нормаларға бойһоноп, үҙенең биләмһен тәрптиптә торорға бурыслы. Экологик милиция учаскаһы вәкиле Игорь Понамарев билдәлүенсә, был ҡағиҙәләрҙе боҙоусыларға ҡарата административ материал төҙөлә. Башҡортостан Республикаһы законының 34–се статьяһы буйынса, эшҡыуарҙарға 20-нән 30 меңгә тиклем шраф һалынырға мөмкин. Физик шәхестәргә билдәләнгән шртаф күләме 1 мең 500 һумдан алып 3 мең һумды тәшкил итә.