Яңылыҡтар
09.12.09
Путин менән "тура бәйләнеш"
3 декабрҙә РФ Хөкүмәт Премьер-министры Владимир Путин 8-се тапҡыр Рәсәй халҡы менән “тура бәйләнеш”кә сыҡты һәм рәсәйҙәрҙе борсоған һорауҙарға яуап бирҙе. Был юлы “тура бәйләнеш”кә 1,2 миллион шалтыратыу, 470 мең СМС-һорау һәм 80 меңдән ашыу электрон хат килгән.
Мөрәжәғәттәрҙең күбеһе халыҡты социаль ярҙам менән тәьмин итеү һәм социаль яҡтан яҡлау мәсьәләләренә бәйле булған. Халыҡтың торлаҡ һәм коммуналь-көнкүреш хеҙмәтләндереү өлкәһендәге проблемаларға зарланыуы асыҡланған. Шулай уҡ хеҙмәт һәм эш хаҡы мәсьәләләре лә ситтә ҡалмаған. Башҡа популяр темалар араһында – һаулыҡ һаҡлау һәм финанс.