Яңылыҡтар

Төбәктәр төҙөкләндереү өсөн 20 миллиард һум аҡса аласаҡ - Владимир Путин

2017 йылда төбәктәрҙе, шул иҫәптән моноҡалаларҙы төҙөкләндереү өсөн 20 миллиард һум аҡса йүнәлтелә. Рәсәй Президенты Владимир Путин Федераль Йыйылышҡа Мөрәжәғәтнамәһендә ошо хаҡта белдерҙе. Был аҡса халыҡтың фекерен иҫәпкә алып тотонолорға тейеш, тип һыҙыҡ өҫтөнә алды дәүләт башлығы.

Президент Дөйөм Рәсәй халыҡ фронтына ошо аҡсаны һөҙөмтәле файҙаланыуҙы контролдә тоторға ҡушты.

Владимир Путин Федераль Йыйылышҡа Мөрәжәғәтнамә менән 13-сө тапҡыр сығыш яһаны. Рәсәйҙең яңы тарихында сара 23-сө тапҡыр уҙғарылды.

/«Башинформ» мәғлүмәт агентлығы, Ғәлиә Нәбиева/.