Яңылыҡтар

18.05.17
Быйыл Башҡортостанда бюджет өлкәһе хеҙмәткәрҙәренә эш хаҡы арттырыла

Быйыл Башҡортостанда бюджет өлкәһе хеҙмәткәрҙәренә эш хаҡы арттырыла. «Башинформ» мәғлүмәт агентлығы хәбәр иткәнсә, Башҡортостан Башлығы Рөстәм Хәмитовтың ҡушыуы буйынса Рәсәй Президентының 2012 йылдың 7 майындағы указдарын тормошҡа ашырыу маҡсатында Башҡортостан Хөкүмәтенең «2017 йылда Башҡортостан Республикаһы дәүләт һәм муниципаль учреждениелары хеҙмәткәрҙәренең эш хаҡын арттырыу буйынса саралар тураһында»ғы ҡарар проекты ҡабул ителде.

17.05.17
Республика халҡы «Еңеү ғаиләһе» проектында ҡатнаша ала

Отечество.ру мәҙәни-мәғрифәтселек порталында «Еңеү ғаиләһе» бүлеге булдырылған. Уны тулыландырыуҙа Рәсәй һәм башҡа дуҫлыҡ мөнәсәбәтендәге илдәрҙең граждандары ҡатнаша ала. Бының өсөн Бөйөк Ватан һуғышын кисергән туғандарығыҙҙың һәм яҡындарығыҙҙың тарихын яҙып ебәрергә кәрәк.

16.05.17
Республикала тәүге бала тыуғанда «торлаҡ» түләүенә ғаризалар ҡабул ителә башланы

15 майҙан Башҡортостандың Төҙөлөш һәм архитектура буйынса дәүләт комитеты тәүге бала тыуғанда ғаиләгә торлаҡ шарттарын яҡшыртыу өсөн бер тапҡыр бирелә торған түләүҙе алыуға ғаризалар ҡабул итә башланы.

15.05.17
Константин Толкачев Һуңғы ҡыңғырау көнөндә «ҡоро закон»дың үтәлешен тәьмин итергә саҡыр

Башҡортостандың Дәүләт Йыйылышы Рәйесе Константин Толкачев хоҡуҡ һаҡлау органдарын һуңғы ҡыңғырау көнөндә «ҡоро закон»дың үтәлешен тәьмин итергә саҡырҙы. Үткән йылдың декабрендә Дәүләт Йыйылышы депутаттары «Башҡортостан Республикаһында этил спирты, алкоголле һәм спиртлы продукция етештереү һәм әйләнеше өлкәһендәге эшмәкәрлекте көйләү тураһында»ғы законға үҙгәрештәр индерҙе. Үҙгәрештәр «Һуңғы ҡыңғырау» байрамында республика биләмәһендә алкоголле эсемлектәр һатыуҙы тулыһынса тыйыуҙы күҙ уңында тота. Ағымдағы йылдың ғинуарынан яңы закон көсөнә инде. Ошондай сикләү 25 майҙа тәүге тапҡыр ҡулланыла.

12.05.17
Рәсәй Хөкүмәтендә страховка пенсияһын алыу тәртибе ябайлаштырылды

Хөкүмәт страховка пенсияларын билдәләү өсөн страховка стажын иҫәпләү ҡағиҙәләренә үҙгәрештәр индерҙе. Атап әйткәндә, I төркөм инвалидын, инвалид баланы йәки 80 йәшкә еткән оло кешене тәрбиәләгән осорҙо раҫлауҙың ябайлаштырылған тәртибе күҙ уңында тотола, тип хәбәр итә ТАСС.

11.05.17
Республикала уртаса эш хаҡы билдәле булды

Башҡортостандың Хеҙмәт һәм халыҡты социаль яҡлау министрлығы мәғлүмәттәре буйынса, быйыл февралдә республикала уртаса эш хаҡы 26 998 һумға еткән.

10.05.17
Төбәк халҡы дүртенсегә «Үлемһеҙ полк» сафында атлап уҙҙы

Башҡортостан халҡы үҙҙәренең төп ҡала һәм ауыл урамдары буйлап «Үлемһеҙ полк» сафында атлап уҙҙы. Ватансылыҡ акцияһы бөтә-халыҡ кимәленә күтәрелде. Иң ҙур парад республиканың баш ҡалаһында уҙҙы. Өфөнөң «Үлемһеҙ полк» колоннаһын Рәсәйҙең дәүләт ҡомартҡылары, фашистик Германияны ҡыйратҡан Совет халҡының һәм Ҡораллы Көстәрҙең рәсми Еңеү символы – Еңеү Байрағы етәкләне. Меңдәрсә кеше ҡулдарына туғандарының – Бөйөк Ватан һуғышында ҡатнашыусыларҙың һәм ветерандарҙың фотолары менән транспаранттар тотоп, дүртенсе тапҡыр бөтә Рәсәй акцияһына ҡушылды. Сарала тамашасылар менән бергә бөтәһе 60 меңдән ашыу кеше ҡатнашты.

05.05.17
Рөстәм Хәмитов: «9 май – бөтә рәсәйҙәр өсөн милли берҙәмлек һәм ғорурлыҡ кө

5 майҙа Өфөлә Башҡортостан Башлығы Рөстәм Хәмитов Бөйөк Ватан һуғышында Еңеүҙең 72 йыллығына бағышланған тантаналы йыйылышта сығыш яһаны.

03.05.17
Башҡортостан эшҡыуарҙарын «Төбәктәр — тотороҡло үҫеш» конкурсында ҡатнашырға саҡыралар

Башҡортостан эшҡыуарҙарын «Төбәктәр — тотороҡло үҫеш» Бөтә Рәсәй инвестиция проекттары конкурсында ҡатнашырға саҡыралар. Проекттар 2017 йылдың 20 майына тиклем ҡабул ителә. Төбәктә конкурстың координаторы булып Башҡортостандың үҫеш корпорацияһы сығыш яһай.

28.04.17
1 һәм 9 майҙа республикала почта эшләмәй

Рәсәй почтаһы байрам көндәрендә эш графигы тураһында хәбәр итте. 1 һәм 9 майҙа бөтә почта бүлексәләре лә ял итә. Йәкшәмбе, 30 апрелдә, һәм дүшәмбе, 8 майҙа, эш ваҡыты бер сәғәткә ҡыҫҡара.

25.04.17
Башҡортостан буйынса Пенсия фонды май байрамдарында пенсия таратыу графигын баҫтырып сығарҙы

Пенсия таратыу 2 майҙа башлана һәм ваҡытынан алда тамамлана — 6 майҙа 9-ы өсөн бирелә. Байрам көндәрендә таратыуҙың аныҡ датаһы апрель айы квитанцияларында ла күрһәтелгән.

12.04.17
Башҡортостанда «Дуҫлыҡ моңо» халыҡ-ара фестивале еңеүсеһен иғлан итте

Нефтекамала Фәриҙә Ҡудашева исемендәге «Дуҫлыҡ моңо» XVI башҡорт һәм татар йырҙарын башҡарыусыларҙың халыҡ-ара фестивале тамамланды. Гран-при яулаусының исеме иғлан ителде. Ул – Ейәнсура районынан Әлфиә Мырҙабаева. Еңеүсе 100 мең һумлыҡ сертификат менән бүләкләнде.

10.04.17
Республикала социаль эшҡыуарлыҡ буйынса «Үҙ эшеңде башла» конкурсы старт ала

Башҡортостанда социаль эшҡыуарлыҡ буйынса конкурс старт алды. Ул «Үҙ эшеңде башла» программаһының икенсе этабы булып тора. Уны республиканың Социаль өлкә инновациялары үҙәге, «Беҙҙең киләсәк» төбәк социаль программалар фонды һәм Благовещен районы хакимиәте менән берлектә Благовещен арматура заводы тормошҡа ашыра.

 

06.04.17
«Башҡортостан Башлығы менән тура бәйләнеш»

Бөгөндән Башҡортостан Башлығы менән тура бәйләнеш өсөн һорауҙар ҡабул ителә башланы.

04.04.17
Константин Толкачев төбәк халҡын «Тоталь диктант»та ҡатнашырға саҡырҙы

Башҡортостан Дәүләт Йыйылышы Рәйесе Константин Толкачев республика халҡын «Тоталь диктант»та әүҙемерәк ҡатнашырға саҡырҙы.

28.03.17
Эшҡыуарҙар өсөн бушлай «Бизнес-навигатор» порталы эшләй башланы

Бәләкәй һәм урта эшҡыуарлыҡ вәкилдәре, шулай уҡ физик берәмектәр өсөн бушлай «Бизнес-навигатор» мәғлүмәт ресурсы эшләй башланы. Портал 169 ҙур ҡаланы, ҡала сервисы өлкәһендәге бизнестың 90 төрөн, 300-ҙән ашыу яҡынса бизнес-планды үҙ эсенә аласаҡ. «Бизнес-навигатор»ҙы әҙерләүсе булып Бәләкәй һәм урта эшҡыуарлыҡты үҫтереү буйынса федераль корпорация сығыш яһаны.

27.03.17
Башҡортостанда вакансиялар һаны артҡан

Башҡортостанда мәшғүллек хеҙмәтендә эш биреүселәр тәҡдим иткән вакансияларҙың иҫәбе артҡан. Мәҫәлән: йыл башында республиканың вакансиялар банкында 32,3 меңдән ашыу эш урыны иҫәпләнһә, бөгөн – 35,3 меңдән күберәк.

24.03.17
Башҡортостанда БДИ-ны ваҡытынан алда тапшырыу этабы тыныс үтте

Кесе йома, 23 мартта, Башҡортостанда география, информатика һәм мәғлүмәт-коммуникациялар технологиялары буйынса Берҙәм дәүләт имтиханын ваҡытынан алдан тапшырыу этабы уҙҙы. 53 кеше ваҡытынан алда имтихан тапшырырға килде, уларҙың 40-ғы информатика һәм 13-ө – география буйынса. Улар өсөн Өфөнөң Дим районында һәм Стәрлетамаҡта ике имтихан уҙғарыу пункты, йәмғеһе туғыҙ аудитория эшләне, тип хәбәр иттеләр Башҡортостан Республикаһы Мәғариф министрлығында.

23.03.17
Республикала экологик видеороликтар конкурсы иғлан ителгән

Экология һәм махсус һаҡланған тәбиғәт биләмәләре йылы сиктәрендә Башҡортостанда «Планетабыҙ берәү!» экологик видеороликтар конкурсы бара.