Яңылыҡтар
Иғтибар - балалар!
Йәйге каникулдар алдынан Юл хәрәкәте хәүефһеҙлеге дәүләт инспекцияһы тарафынан 20 майҙан 14 июнгә тиклем Башҡортостан Республикаһында, шул иҫәптән Нефтекама ҡалаһында ла, «Иғтибар - балалар!» исемле профилактик сара уҙғарыла.
Юл хәрәкәте хәүефһеҙлеге дәүләт инспекцияһы инспекторы полицияның кесе лейтенанты Л.Хәбибуллина килтергән мәғлүмәттәр буйынса, ағымдағы йылдың 4 айы һөҙөмтәләре буйынса Башҡортостан Республикаһында балалар һәм 16 йәшкә тиклемге үҫмерҙәр ҡатнашлығында 73 юл хәрәкәте ваҡиғаһы теркәлгән. Һөҙөмтәлә 1 бала һәләк була, 75-е төрлө тән йәрәхәттәре ала.
Нефтекама ҡалаһы юлдарында ла балалар ҡатнашлығында юл хәрәкәте ваҡиғалары осрап тора. Йыл башынан ғына 2 бала ауыр йәрәхәттәр ала.
Төп сәбәп балаларҙы контролгә алмауға ҡайтып ҡала. Каникул ваҡытында уҡыусыларҙың бушты-бушҡа ауҙарып йөрөүе ауыр эҙемтәләргә килтерә. Шулай уҡ улар рәтенә үҫмерҙәрҙең юл ҡағиҙәләрен яҡшылап белмәүен дә индерергә мөмкин.
Акция юл хәрәкәтендә ҡатнашыусыларҙы яуаплыраҡ һәм юлдарҙа иғтибарлыраҡ булырға өндәй.