Яңылыҡтар

Әсәлек капиталы средстволарынан бер тапҡыр түләнә торған 12 мең һум аҡсаны алырға теләүселәрҙән документтар ҡабул итеү атамамланыуға бер ай ваҡыт ҡалды.

 

Әсәлек капиталы тураһындағы закон уны аҡсаға әйләндерергә рәхсәт бирмәй ине. Әммә индексация суммаһын , 12 мең һумды балалы ғаиләләр көндәлек кәрәк-яраҡтарға тота алһын өсөн аҡсалата бирергә ҡарар ителде. Бер тапҡыр бирлә торған аҡсаны 2009 йылдың 1 октябренән 31 декабренә тиклем икенсе йә иһә артабанғы балалары тыуған ғаиләләр алырға мөмкин. Бының өсөн ғаризаларҙы 2010 йылдың 31 мартына тиклем тапшырырға кәрәк.

Был бер тапҡыр түләнә торған аҡсаны алыу өсөн ғариза биргәндә   үҙең менән паспорт, әсәлек капиталына сертификат булыуы мотлаҡ. Шулай уҡ банк счетының реквизиттарын күрһәтергә кәрәк. Уға ике ай эсендә аҡса күсереләсәк.