Яңылыҡтар
27.12.10
Яңы йылда нисек ял итәсәкбеҙ
Яңы йыл байрамына ла һанаулы ғына көндәр ҡалып килә. Яңы йылда нисек ял итәсәкбеҙ? 2011 йылдың 1 ғинуарынан 10-ына тиклем ил ял итәсәк. Башҡортостан Хеҙмәт һәм халыҡты социаль яҡлау министрлығы хәбәр итеүе буйынса, Рәсәй Хеҙмәт кодексының 112-се статьяһына ярашлы, 1, 2, 3, 4 һәм 5 ғинуар – Яңы йыл каникулдары, 7 ғинуар – Раштыуа — байрам көндәре булып тора.
Етмәһә, 1 һәм 2 ғинуарҙағы байрам көндәре шәмбе һәм йәкшәмбе – ял көндәренә тура килә, һәм улар кесе йома – 6 ғинуарға һәм дүшәмбе – 10 ғинуарға күсерелә.
Шулай итеп, биш көнлөк эш аҙнаһында республикала 2011 йылдың 1-10 ғинуары ял көндәре булып тора. Йома 31 декабрҙә эш көнө бер сәғәткә ҡыҫҡартыла.
Ә бына 24 декабрь —Башҡортостан Республикаһы Конституцияһы көнө, иҫтәлекле дата итеп билдәләнһә лә, эш көнө булып тора.