Яңылыҡтар
Фитнес-аэробика буйынса Рәсәй Кубогының ярыштары
1-нән 3-сө декабргә тиклем Екатеринбург ҡалаһында фитнес-аэробика буйынса Рәсәй Кубогының ярыштары үтте. Республика намыҫын беҙҙең ҡаланан Балалар һәм үҫмерҙәр спорт мәктәбенең Арт-данс төркөмө яҡланы.
Был ярыштарҙа ҡатнашырға Рәсәйҙең төрлө төбәктәренән 1 меңдән ашыу спортсылар йыйылған. Классик аэробика, степ-аэробика һәм хип-хоп - ошо 3 номинация буйынса көс һынашты спортсылар. Нефтекаманан Арт-данс төркөмө 3 көн дауамында финалға сығыу хоҡуғы өсөн көрәште. Һөҙөмтәлә ҡыҙҙар Европа беренселегендә ҡатнашыу хоҡуғына лайыҡ булды. Беренселек 2011 йылда Италияла үтәсәк. Бынан тыш Арт-данс төркөмөндә шөғөлләнеүсе Карина Вәлиева трофи-аэробика буйынса ярты сәғәт дауамында сығыш яһап беренсе урын яуланы.